“စီကျူရီတိုက်ဇေးရှင်း (Securitization) ဟူသော ဝေါဟာရသည် စာဖတ်သူများအဖို့ စိမ်းကောင်းစိမ်းနေမည်ဖြစ်သော်လည်း ခေတ်သစ်ဘဏ္ဍာရေးဈေးကွက်တွင် အလွန်အရေးပါသော နေရာကို ရယူထားကြောင်း တွေ့ရှိရသည်။ စီကျူရီတိုက်ဇေးရှင်းကို အမေရိကန်နိုင်ငံတွင် ၁၉၆၀ လွန် နှစ်များတွင် စတင် ကျင့်သုံးခဲ့ပါသည်။”
စတင်ကျင့်သုံးခဲ့စဉ်က ဘဏ်များ၏ အိမ်ယာချေးငွေများအပေါ် ဘဏ္ဍာငွေ ပြန်လည်ဖြည့်တင်း ရာတွင် ငွေသားစီးဆင်းမှု လွယ်ကူစေရေးအတွက် လက်နက်တစ်ခုအဖြစ် ဆောင်ရွက်ခဲ့ပြီး နောက်ပိုင်း တွင် ခရက်ဒစ်ကဒ်များ၊ ကူးသန်းရောင်းဝယ်ရေးကိစ္စများတွင် ကြိုတင်ပေးငွေများအတွက် ရပိုင်ခွင့်များ နှင့် မော်တော်ကား ချေးငွေများတွင်ပါ စီကျူရီတိုက်ဇေးရှင်းစနစ် ဖွံ့ဖြိုးတိုးတက်ခဲ့ပါသည်။ စီကျူရီ တိုက်ဇေးရှင်းသည် အာရှနိုင်ငံများသို့လည်း အလျင်အမြန် ကူးစက်ခဲ့ပါသည်။ အထူးသဖြင့် ဂျပန်၊ ကိုရီးယား၊ ဟောင်ကောင်နှင့် စင်္ကာပူနိုင်ငံများတွင် ကျင့်သုံးခဲ့ကြပါသည်။
စီကျူရီတိုက်ဇေးရှင်းလုပ်ငန်းမှာ ဘဏ်တစ်ခု၏ ချေးငွေများနှင့် ရပိုင်ခွင့်များကို ဈေးကွက် ၀င်ငွေချေး သက်သေခံလက်မှတ်များအဖြစ် ပြောင်းလဲပြီး ရင်းနှီးမြှုပ်နှံသူများကို ရောင်းချခြင်းဖြစ် သည်။ နောက်လုပ်ငန်းတစ်ခုမှာ ကြွေးမြီစာချုပ်စာတမ်းများ (debt instruments) ကို စုစည်း၊ စွန့်စားရ မှု (risks) များကို ဖြန့်ကျက်၍ ယင်းစုစည်းထားသော အထုပ် (pool) ကို ငွေချေးသက်သေခံလက်မှတ် (Securities) များအဖြစ် ထုတ်ဝေပြီး ရင်းနှီးမြှုပ်နှံသူများကို ရောင်းချခြင်းဖြစ်သည်။
ဤသို့ ထုတ်ဝေရောင်းချခြင်းဖြင့် ကုမ္ပဏီများအနေဖြင့် ဘဏ္ဍာငွေဖြည့်တင်းရန် နည်းလမ်းသစ် တစ်ခုရရှိခြင်း၊ ဘဏ္ဍာငွေရှာဖွေရသည့် စရိတ်လျော့ကျခြင်းနှင့် သက်တမ်းကာလ (maturity) တို့ကို တိုးချဲ့နိုင်စေပါသည်။ ဤနည်းစနစ်သည် ချေးငှားသူများအတွက် ဘဏ္ဍာရေးအရင်းအမြစ်အသစ်များ ကို ဖြစ်ပေါ်စေပြီး ချေးငှားသူနှင့် ရင်းနှီးမြှုပ်နှံသူများကြား ဘဏ္ဍာငွေစီးဆင်းမှု လွယ်ကူချောမွေ့စေရန် စီမံဆောင်ရွက်ပေးပါသည်။
ဤနည်းစနစ်သည် ပေါ်ထွန်းစ ဈေးကွက် (emerging markets) များအတွင်းရှိ ကြွေးမြီ အဆင့် (rating) နည်းသော ကုမ္ပဏီများအတွက် ကြီးမားသော အခွင့်အလမ်းတစ်ခုဖြစ်ပါသည်။ ဤစနစ်သည် ဒေသတွင်း အဖွဲ့အစည်းလိုက် ရင်းနှီးမြှုပ်နှံသူများ၊ တစ်ဦးချင်း ရင်းနှီးမြှုပ်နှံသူများအ တွက် ရင်းနှီးမြှုပ်နှံမှု အခွင့်အလမ်းအသစ်များကို ဖြစ်ပေါ်စေပါသည်။ စီကျူရီတိုက်ဇေးရှင်း ပြုလုပ်နိုင်သော အဖွဲ့အစည်းများမှာ-
- ဘဏ်များ (Banks)
- မော်တော်ယာဉ်ဝယ်ယူရန် ဘဏ္ဍာငွေပံ့ပိုးသော ကုမ္ပဏီများ (Vehicle Finance Cos)
- လက်လီဖြန့်ဖြူးရောင်းချသော ကုမ္ပဏီများ (Retailers) နှင့်
- အခြားအဖွဲ့များ (Others) စသည်တို့ဖြစ်ပါသည်။ စီကျူရီတိုက်ဇေးရှင်း နည်းလမ်း နှစ်ခုရှိပါသည်။
Asset-backed Securities (ABS) နှင့် Mortgage- backed Securities (MBS) တို့ဖြစ်ပါသည်။
Asset-backed Securities ဆိုသည်မှာ ငွေရေးကြေးရေး အဖွဲ့အစည်းတစ်ခုက ၎င်း၏ ချေးငွေ များအပေါ်မှ ရရန်ပိုင်ခွင့်များကို စုစည်း၊ အခြားဘဏ်တစ်ခုထံမှ အာမခံစာ (LC) သို့မဟုတ် အာမခံ ကော်ပိုရေးရှင်းတစ်ခု၏ အာမခံချက်ကိုယူကာ မိမိ၏ အဆင့်အတန်းကိုမြှင့်တင်၊ ယင်းစုစည်းထား သော ရပိုင်ခွင့်များကို အထူးပြုကုမ္ပဏီ (special purpose company) တစ်ခုကို လွှဲအပ်၊ ယင်းကုမ္ပဏီ က ငွေချေးသက်သေခံလက်မှတ်များကို ပြည်သူလူထုကို ထုတ်ရောင်းခြင်းဖြင့် ဘဏ္ဍာငွေကို စုစည်း ခြင်းဖြစ်သည်။
ကြွေးမြီအဆင့်မြင့်မားမှု credit enhancement သည် အောက်ပါအကြောင်း တစ်ခုခုကြောင့် ဖြစ်ပေါ်စေပါသည်။
- ဘဏ်တစ်ခုခုမှ အာမခံချက်ဖြစ်သော Letter of Credit များ ပေးအပ်နိုင်မှု၊
- အရန်ငွေကြေးများ လုံလောက်စွာထားရှိမှု၊
- စီကျူရီတိုက် ဇေးရှင်းပြုလုပ်မည့် ငွေကြေးပမာဏအတွက် ထားရှိသော အာမခံ (collareral) ကို လိုအပ်သည်ထက်ပိုမိုထားရှိမှု၊
- dinated structure များ
ဟူ၍ အချိုးကျကျ ခွဲခြမ်းထုတ်ဝေခြင်းစသည့် အချက်များဖြစ်သည်။ ဖွံ့ဖြိုးပြီးနိုင်ငံများဖြစ်သည် US, UK, Japan, Austalia စသည်တို့တွင် မော်တော်ကား၊ အိမ် အစရှိသည်တို့ကို ငွေသားဖြင့် လက်ငင်းဝယ်ယူရန်မလိုဘဲ အရစ်ကျပေးငွေစနစ်ဖြင့်သာ ၀ယ်ယူလေ့ရှိ ကြသည်။ ဘဏ် (သို့မဟုတ်) ငွေရေးကြေးရေး အဖွဲ့အစည်းတစ်ခုသည်။ ၎င်း၏ ဘဏ္ဍာငွေစီးဆင်းမှု လွယ်ယူစေရေးနှင့် အဆင့် Rating မြှင့်တင်ရန်အလို့ငှာ ၎င်းတို့၏ အိမ်ယာချေးငွေများမှ အရစ်ကျ ပြန်လည်ပေးဆပ်မည့် ရပိုင်ခွင့်များကို စုစည်း၍ SPC သို့ ရောင်းချလိုက်လေသည်။ ယင်း SPC သည် စုစည်းထားသော အိမ်ယာချေးငွေ ရပိုင်ခွင့်များကို ငွေချေးစာချုပ်များအဖြစ် အများပြည်သူသို့ ထုတ်ဝေ ရောင်းချပေးသည်။
ယင်းသို့ပြုလုပ်ခြင်းဖြင့် ဘဏ်အနေနှင့် ဘဏ္ဍာငွေစီးဆင်းမှု လွယ်ကူသွားစေပြီး နောက်ထပ် ဘဏ္ဍာငွေဖြည့်တင်းရန် အခွင့်အလမ်းရရှိသွားစေပါသည်။ ဆက်လက်၍ ရှေးရိုးဘဏ္ဍာရေးနည်းစနစ် နှင့် စီကျူရီတိုက်ဇေးရှင်း နည်းစနစ် ကွဲပြားပုံကို တင်ပြပါမည်။ ရှေးရိုးဘဏ္ဍာရေးနည်းစနစ်တွင် ဘဏ္ဍာရေးကြားခံအဖွဲ့ (financial intermediaries) များအဖြစ် ကူးသန်းရောင်းဝယ်ရေးဘဏ်များ၊ အာမခံကုမ္ပဏီများဖြစ်ပြီး၊ အောက်ဖော်ပြပါ လုပ်ငန်းစဉ်ကို လုပ်ဆောင်ပါသည်။
- ချေးငွေလုပ်ငန်းစတင်လုပ်ကိုင်ခြင်း၊
- ကုမ္ပဏီ၏ လက်ကျန်ရှင်းတမ်းတွင် ယင်းချေးငွေစာရင်းကို ရပိုင်ခွင့်များ (Asset) စာရင်းတွင် ထိန်းသိမ်းထားခြင်း၊
- အတိုးကောက်ခံခြင်း၊ ပြန်လည်ပေးဆပ်ခြင်း စသည့် လုပ်ငန်းများ စတင်လုပ်ဆောင်ခြင်း၊
- ပြည်သူများထံမှ ငွေကြေးကို စုစည်းရယူခြင်း စသည်တို့ဖြစ်သည်။
စီကျူရီတိုက်ဇေးရှင်းစနစ်မှာမူ ရှေးရိုးဘဏ္ဍာရေးစနစ်နှင့်မတူ ကွဲပြားခြားနားပါသည်။
- ဘဏ်တစ်ခုစည် ချေးငွေကိုစတင်ပါသည်။
- ယင်းဘဏ်မှ ယင်းချေးငွေအစုနှင့်သက်ဆိုင်သော ရပိုင်ခွင့်များကို ရင်းနှီးမြှုပ်နှံမှုဘဏ် (Inverstment bank) တစ်ခုသို့ ရောင်းချလိုက်ပါသည်။ Inverstment bank ဆိုသည်မှာ ရင်းနှီးမြှုပ်နှံ သူနှင့် ကုမ္ပဏီတို့အကြားတွင် ကာလရှည်ရင်းနှီးမြှုပ်နှံမှုလုပ်ငန်းများ လုပ်ကိုင်ရန် အထူးထည်ထောင် ထားသော ဘဏ်များဖြစ်ပါသည်။
- ယင်းရင်းနှီးမြှုပ်နှံမှုဘဏ်သည် ကြွေးမြီအဆင့်မြင့်မားမှု credit enhancement ကို ဖြစ်ပေါ်စေပါ သည်။
- ယင်း ရင်းနှီးမြှုပ်နှံမှုဘဏ်သည် ချေးငွေကောက်ခံရေးအတွက် အထူးပြုကုမ္ပဏီတစ်ခုကို အလုပ်အပ်နှံလိုက်ပါသည်။
- ယင်း ရင်းနှီးမြှုပ်နှံမှုဘဏ်မှ ငွေချေးသက်သေခံလက်မှတ်များ စတင်ရောင်းချပါသည်။
စီကျူရီတိုက်ဇေးရှင်းလုပ်ခြင်းမှ အောက်ပါအကျိုးကျေးဇူးများစွာရှိပါသည်။
Issure များ၏ အကျိုးကျေးဇူးများ
- ရင်းနှီးငွေကို ထိရောက်စွာ အသုံးချနိုင်သည်။
- Portfolio ကို လျင်မြန်သောနှုန်းနှင့် တိုးတက်စေသည်။
- ချေးငွေများ ပိုမိုချေးငှားစေနိုင်ပါသည်။
- အက်ဆက်/ လိုင်ရယ် ဘယ်လတီ စီမံခန့်ခွဲမှုပို၍ ကောင်းမွန်စေသည်။ ငွေဖြစ်လွယ်မှု ပိုမိုဖြစ်စေပါသည်။
- ဘဏ္ဍာရေးစွမ်းဆောင်ရည် ပိုမိုမြင့်မားစေသည်။
- ငွေကြေးအရင်းအမြစ်ကို ခွဲခြမ်းစိတ်ဖြာနိုင်သည်။
- ရင်းနှီးငွေကို စရိတ်စကသက်သာစွာ ရရှိစေပါသည်။
Investor များ၏ အကျိုးကျေးဇူးများ
- ချေးငွေအမျိုးစုံကို စုစည်းထား၍ ၎င်း ၊ ကြွေးမြီအဆင့်မြင့်မားမှု (credit enhancement) ရရှိ၍ ၎င်းချေးငွေ စွန့်စားရမှုအန္တရယ် Credit risk လျော့နည်းသွားစေပါသည်။
- စီကျူရီတိုက်ဇေးရှင်းသည် ငွေမဖြစ်လွယ်သော ချေးငွေ (illiquid loan) များကို ငွေဖြစ်လွယ်သော ငွေချေးသက်သေခံလက်မှတ်များအဖြစ်သို့ ပြောင်းလွဲလိုက်သဖြင့် ချေးငွေစွန့်စားရမှုအန္တရာယ် (credit risk) လျော့နည်းသွားစေပါသည်။
သို့ဖြစ်၍ ရင်းနှီးမြှုပ်နှံသူများကို ရင်းနှီးမြှုပ်နှံမှု အခွင့်အလမ်းများ ကျယ်ပြန့်စွာ ရရှိစေပါသည်။ ဘဏ်များသည် အများပြည်သူ အပ်နှံငွေများဖြင့် ငွေကြေးစုစည်းပြီး ကာလတိုချေးငွေများကို ထုတ်ချေးလေ့ရှိပါသည်။ သို့ဖြစ်ရာ ချေးယူလိုသူ၏ ချေးငွေသက်တမ်း၊ ချေးပေးသူ၏ ချေးငွေ သက်တမ်း သဟဇာတ မဖြစ်မှုနှင့်လည်း ကြုံတွေ့ရပါသည်။ စီကျူရီတိုက်ဇေးရှင်းစနစ်တွင် ကာလတို ရင်းနှီးမြှုပ်နှံလိုသူနှင့် ကာလရှည်ချေးငှားသူတို့ နှစ်ဦးနှစ်ဖက် ပြေလည်မှုရရှိစေပါသည်။ ထို့အပြင် သက်တမ်းကာလကိုလည်း ညှိနှိုင်းပေးပါသည်။ နောက်ဆုံးအနေနှင့် စီကျူရီတိုက်ဇေးရှင်း လုပ်ခြင်းဖြင့် ကြီးမားသော ချေးငွေပမာဏဏများကို ပိုမို၍ ချေးပေးနိုင်ပြီး ရင်းနှီးမြှုပ်နှံသူအများသို့ small denomination securities များ ထုတ်ဝေရောင်းချနိုင်ပါသည်။
ယင်းသို့ပြုလုပ်ခြင်းဖြင့် ဘဏ္ဍာငွေစီးဆင်းမှုကို ချောမွေ့စေခြင်း၊ ချေးငွေစွန့်စားရမှုအန္တရာယ် credit risk များကို ဖြန့်ကျက်ဖြင်းခြင့် လျော့ကျစေနိုင်ခြင်း၊ သက်တမ်းတိုးချဲ့နိုင်ခြင်း၊ ငွေချေး သက်သေခံလက်မှတ်များကို securities market မှတစ်ဆင့် အရောင်းအ၀ယ်လုပ်ခြင်းဖြင့် fair, efficient and liquidity တူသော အကျိုးကျေးဇူးများစွာ ရရှိစေနိုင်ပါကြောင်း။
(ထွန်းသက်ထွန်း) _Myanmar Banking and Finance Magazine
